İdman.biz
Beynəlxalq Cüdo Federasiyası dünya reytinq cədvəlini açıqlayıb.
İdman.biz xəbər verir ki, cüdo üzrə Avropa çempionatından sonra Azərbaycan yığmasının üzvlərinin mövqelərində dəyişiklik olub.
4-cü dəfə Avropa çempionu olan Hidayət Heydərov (73 kq) liderliyini qoruyub. Uzun müddətdir 1-ci pillədə qərarlaşan Hidayətin hesabında 7161 xal var. Qitə çempionatını medalsız başa vuran Zelim Kotsoyev (100 kq) 2-ci pillədəki mövqeyini qoruyub.
Yığmanın heyətində digər Avropa çempionu Elcan Hacıyev (90 kq) ən böyük yüksəlişə nail olan idmançı olub. 6 pillə irəliləyən 21 yaşlı çüdoçu 19-cu pilləyə yüksəlib. Çempionatda 60 kq çəki dərəcəsində finalda uduzan Balabəy Ağayev 6-cıdır.
Zelim Tçkayev (81 kq) 7-ci, Yaşar Nəcəfov (66) 8-ci, Səid Mollaei (81 kq) 11-ci, Murad Fətiyev (90 kq) 12-ci pillədə qərarlaşıblar.
Qadın çüdoçular arasında ən yaxşı nətcə Gültaj Məmmədəliyevaya (52 kq) məxsus olub. O, 17-ci pillədə yer alıb. Leyla Əliyeva (48 kq) 23-cü, Aydan Vəliyeva (52 kq) isə 32-ci yeri tutub.
İdman.biz
