İdman.biz
Perunun paytaxtı Limada yeniyetmə cüdoçular arasında dünya çempionatı davam edir.
İdman.biz xəbər verir ki, ilk gündə Azərbaycan millisinin 3 üzvü tatamiyə çıxacaq.
71 kq və 81 kq çəki dərəcələrində qaliblər müəyyənləşəcək.
Dünya çempionatı
73 kq
Cəsur İbadlı ilk mərhələdə yerli Valentino Peresə qalib gəlib. O, növbəti görüşlərdə Entoni Farnot (ABŞ) və Aleks Maruşekdən (Çexiya) güclü olub. Cəsur 1/4 finalda İnomjon Baxodirovu (Özbəkistan) mübarizədən kənarlaşdırıb. Cüdoçumuz yarımfinalda fransalı Noah Bueni məğlub edib. Finalda onun rəqibi Timur Davidov (AİN) olub. Cüdoçumuz qələbə qazanaraq, dünya çempionu tituluna sahib çıxıb.
81 kq
Mehdi Abbasov ilk görüşdə italiyalı Leonardo Kopatı məğlub edib. Almaniyalı Konstantin Disteli də mübarizədən kəmarlaşdıran təmsilçimiz 1/8 finalda İlya Simonova (AİN) uduzub. Onun rəqibi finala yüksəldiyindən Mehdi təsəlliverici döyüşə qatılıb. Litvalı Tajus Babayçenkoya qalib gələn Abbasov bürünc görüşünə çıxacaq. O, Kenzo Kremerslə (Belçika) üz-üzə gələcək.
Əli Qazımmmədov isə ilk görüşdə Jatin Jatinə (Hindistan) qalib gəlsə də, növbəti döyüşdə mübarzəni dayandırıb. O, belçikalı Kenzo Kremersə uduzub.
Qeyd edək ki, dünya çempionatına Nihad Məmişov (55 kq) qızıl, Məhəmmədəli Hüsiyev (50 kq) isə bürünc medal qazanıb.
İdman.biz
