Idman.biz
Yarım yüngül (66 kq-a qədər) və yüngül (70 kq-a qədər) çəki dərəcələrində keçmiş ikiqat UFC çempionu 37 yaşlı irlandiyalı Konor Makqreqor İrlandiya prezident seçkilərində iştirakından danışıb.
İdman.biz bildirir ki, Makqreqor "hakimiyyəti xalqa qaytaracağını" bəyan edib.
"Onlar (hökumət - red.) uğursuzluğa düçar olduqda, biz ümid tapırıq! Biz birlikdə bu prezident seçkilərində qələbə qazanacağıq və Patrik Pirs (irlandiyalı şair, yazıçı, hüquqşünas, inqilabçı və siyasətçi. 1916-cı ildə İrlandiyada Pasxa üsyanının liderlərindən biri. - red.) bizə vəsiyyət etdiyi kimi, hakimiyyəti İrlandiya xalqına qaytaracağıq!
Mən bütün yerli şuralara namizədliyimə dəstək verilməsini xahiş edən məktublar göndərmişəm, onlardan çoxlu müsbət cavablar almışam! Yaxın günlərdə daha bir mühüm açıqlama verəcəyəm. Hazır olun!" – Makqreqor X sosial şəbəkəsindəki səhifəsində yazıb.
Səsverməyə bülletenlərinə daxil edilmək üçün Makqreqora 20 parlament üzvünün və ya dörd yerli və ya əyalət şurasının dəstəyi lazımdır.
İdman.biz
