Idman.biz
Ümummilli Lider Heydər Əliyevin anadan olmasının 103-cü ildönümünə həsr edilən avarçəkmə üzrə "Prezident Kuboku 2026" reqatası Ağdərədə start götürüb.
İdman.Biz xəbər verir ki, Qarabağın dilbər guşəsi Ağdərədə təşkil olunan tədbirdə əvvəlcə Dövlət Himninin səsləndirilib.
Daha sonra Vətən uğrunda həyatını itirən şəhidlərin xatirəsi bir dəqiqəlik sükutla yad olunub.
Açılış mərasimində çıxış edən gənclər və idman naziri Fərid Qayıbov bildirib ki, yarışın ilk dəfə Sərsəng su anbarında keçirilməsi xüsusi əhəmiyyət daşıyır və bu, böyük qürur hissi doğurur. Nazir həmçinin qeyd edib ki, turnirin təşkilatçılıq səviyyəsi ildən-ilə daha da təkmilləşir və idmançıların yarışdan zövq alacağına inanır.
Tədbir çərçivəsində əvvəlcə nümunəvi çıxışlar nümayiş olunub, həmçinin milli musiqi və rəqs nömrələri təqdim edilib. Ardınca isə akademik avarçəkmə, kayak, kanoe, draqon qayıqları və yelkənli qayıqlar üzrə ilk yarışlar və nümayiş çıxışları baş tutub. İştirakçı ölkələrin bayraqlarını daşıyan skuterlər də su üzərində dövrə vuraraq tədbirə rəng qatıb.
Qeyd edək ki, "Prezident Kuboku 2026" beynəlxalq reqatasının rəsmi açılış mərasimi sabah Mingəçevirdə keçiriləcək.Yarışda Azərbaycan, Çexiya, Gürcüstan, Almaniya, Yunanıstan, Qazaxıstan, Qırğızıstan, Litva, Moldova, Rumıniya, Serbiya, İsveç, Tacikistan, Türkiyə, Ukrayna və Özbəkistandan 100-dən artıq idmançı mübarizə aparacaq. Reqataya mayın 1-də yekun vurulacaq.
10:47
Bu gün Gənclər və İdman Nazirliyi ilə Azərbaycan Su İdman Növləri Federasiyasının birgə təşkilatçılığı ilə avarçəkmə və kanoe üzrə "Prezident Kuboku 2026" beynəlxalq reqatası başlayır.
İdman.Biz xəbər verir ki, turnir ilk dəfə olaraq Sərsəng su anbarında başlayacaq.
Ümummilli Lider Heydər Əliyevin 103-cü ildönümünə həsr edilən reqatanın ilk günündə - aprelin 27-də Sərsəng su anbarında akademik avarçəkmə, kayak, kanoe, draqon qayıqları və yelkənli qayıqlar üzrə idmançıların nümunəvi çıxışları və ilk yarışlar keçiriləcək. İştirakçı ölkələrin bayraqlarını daşıyan skuterlər su üzərində dövrə vuracaq.
Tədbir çərçivəsində milli musiqi və rəqs nümunələri də nümayiş etdiriləcək.
Qeyd edək ki, "Prezident Kuboku 2026" beynəlxalq reqatasında Azərbaycan, Çexiya, Gürcüstan, Almaniya, Yunanıstan, Qazaxıstan, Qırğızıstan, Litva, Moldova, Rumıniya, Serbiya, İsveç, Tacikistan, Türkiyə, Ukrayna və Özbəkistandan 100-dən artıq idmançı mübarizə aparacaq. Reqataya mayın 1-də yekun vurulacaq.
