VI İslam Həmrəyliyi Oyunları: Azərbaycan güləşçiləri medal qazanıblar

Azərbaycan güləşçisi Giorgi Meşvildişvili (125 kq) İslam Həmrəyliyi Oyunlarında bürünc medal qazanıb.

İdman.Biz bildirir ki, o, misirli Abdelrahman Şeyatana 5:0 hesabıyla qalib gələrək üçüncü yeri tutub.

17:39

Azərbaycan sərbəst güləşçisi Arseniy Djioyev (86 kq) Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarında çempion olub.

İdman.Biz xəbər verir ki, millimizin üzvü finalda Xıdır Saypudinova (Bəhreyn) ilə qarşılaşıb.

Görüş Azərbaycan güləşçisinin 5:1 hesablı qələbəsi ilə yekunlaşıb və beləliklə, Arseniy Djioyev 86 kq çəki dərəcəsində qızıl medal qazanıb.

17:21

Azərbaycan güləşçisi Ağanəzər Novruzov (74 kq) Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarında gümüş medal qazanıb.

İdman.Biz xəbər verir ki, o, finalda İran təmsilçisinə 0:5 hesabı ilə uduzaraq fəxri kürsünün ikinci pilləsinə qalxıb.

Qeyd edək ki, digər təmsilçilərimizdən Arseniy Djioyev (86 kq) qızıl, Giorgi Meşvildişvili (125 kq) bürünc medal uğrunda görüşə çıxacaq.

14:05

Azərbaycanın daha bir sərbəst güləşçisi Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarında finala vəsiqə qazanıb.

İdman.Biz xəbər verir ki, Ağanəzər Novruzovdan (74 kq) sonra Arseniy Djioyev (86 kq) bu raunda irəliləyib.

O, yarımfinalda tacikistanlı Maqomet Yevloyevdən üstün olub.

Qeyd edək ki, İslamiada bu gün başa çatacaq.

13:55

Azərbaycanın sərbəst güləşçisi Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarında finala vəsiqə qazanıb.

İdman.Biz xəbər verir ki, bəhreynli Maqomedrasul Asluyevə 7:5 hesabı ilə qalib gələn Ağanəzər Novruzov (74 kq) bu raundadək irəliləyib.

Arseniy Djioyev (86 kq) yarımfinala yüksəlib. Maqomedxan Maqomedov (97 kq) 1/4 finalda uduzub.

Yarımfinalda məğlub olan Giorgi Meşvildişvili (125 kq) bürünc medal uğrunda görüşə çıxacaq.

Qeyd edək ki, İslamiada bu gün başa çatacaq.

İdman.Biz