Idman.biz
İtaliyanın Kaorle şəhərində güləş üzrə U-20 Avropa çempionatı davam edir.
İdman.biz xəbər verir ki, qitə birinciliyinində yunan-Roma güləşində son qaliblər bəlli olur.
Bu gün daha 4 güləşçimiz medal uğrunda yarışır.
U20 Avropa çempionatı
Yunan-Roma güləşi
60 kq
Ayxan Cavadov finalda isveçli Adam Silverinlə qarşılaşıb. Gərgin keçən mübarizə 1:1 hesabı ilə yekunlaşıb. Ayxan keyfiyyətli xal hesabına Avropa çempionu olub.
67 kq
Fəraim Mustafayev bürünc uğrunda Abdullah Keskinlə (Türkiyə) güləşib. 7:5 hesabı ilə qalib gələn Fərahim çempionatı 3-cü pillədə başa vurub.
72 kq
Seymur Qasımov ardıcıl olaraq finlandiyalı Oliver Padaya (12:0) və rusiyalı Tamerlan Taranuxanı (11:0) mübarizədən kənarlaşdıraraq, yarımfinalçı olub. Seymur bu mərhələdə uğurlu çıxışını davam etdirə bilməyərək, ermənistanlı Qaspar Terteryanla 1:5 hesabı ilə uduzub.
82 kq
Elmin Əliyev avstriyalı Noa Valderə (9:0), gürcüstanlı Tornike Çxikvadzeyə (7:1) və ermənistanlı Martik Petrosyana (7:4) qalib gələrək yarımfinala yüksəlib. Yarımfinalda rusiyalı Mixail Şkarinə (UWW) 1:4 hesabı ilə uduzan Elmin sabah bürünc uğrunda yarışacaq.
97 kq
İslam Rzayev təsnifat mərhələsində rusiyalı Saypula Qadjimaqomedova (UWW) 2:10 hesabıyla məğlub olub+.
