Sport24.az
Zinəddin Zidan yayılan şayiələrə baxmayaraq, "Real"ın "sükanı arxasına" keçməyəcək. Sport24.az xəbər verir ki, bir müddət əvvəl mətbuatda "Kral klubu"nun hazırkı baş məşqçisi Xabi Alonsonun yola salınacağı halda Zidanın onu yerinə keçəcəyi barədə xəbərlər yayılıb.
Jurnalist və insayder Fabrisio Romanonun sosial mediada paylaşdığı məlumata görə, Zidan hazırda yalnız Fransa millisində işləmək haqda düşünür. Yığmanın hazırkı çalışdırcısı Didye Deşam gələn il keçiriləcək dünya çempionatından sonra komandadan ayrılacaq. Zidan hələ Fransa Futbol Federasiyası ilə müqavilə imzalamasa da, tərəflər arasında şifahi razılıq əldə olunub.
Qeyd edək ki, Zinəddin Zidan "Real"da çalışdığı dönəmdə (2016–2018 və 2019–2021) iki dəfə İspaniya çempionluğunu və üç dəfə Çempionlar Liqasını qazanıb.
