Idman.biz
"Barselona"nın kapitanı Mark-Andre Ter Ştegenin adı qış transfer dövrü ərəfəsində Premyer Liqa klubu ilə ciddi şəkildə hallanır.
İdman.Biz xəbər verir ki, TEAMtalk-ın yaydığı məlumata görə "Tottenhem" Ter Ştegenin transferi üçün əsas favorit hesab olunur və katalon klubunun futbolçunu satmağa hazır olması London təmsilçisinin planlarını sürətləndirir.
Xəbərdə bildirilir ki, "Tottenhem" mövsümün qalan hissəsi üçün yeni bir əsas qapıçı axtarışındadır və mövcud birinci nömrə ilə bağlı klub daxilində müəyyən narahatlıq mövcuddur. Bu səbəbdən altıqat La Liqa çempionu olan alman qolkiper əsas hədəflərdən biri kimi müəyyənləşdirilib.
"Barselona"nın isə maliyyə balansını yaxşılaşdırmaq və maaş yükünü azaltmaq məqsədilə Ter Ştegenin satışına açıq olduğu vurğulanır. Lakin hələlik rəsmi təklif göndərilməyib və transferin reallaşacağına dair zəmanət yoxdur.
Məlumatda həmçinin qeyd olunur ki, Ter Ştegenin vəziyyətini yalnız "Tottenhem" deyil, digər Premyer Liqa klubları da izləyir və bu da London klubunun rəqabətlə üzləşə biləcəyini göstərir.
