Idman.biz
İspaniyanın "Barselona" komandasının qapıçısı Mark-Andre Ter Ştegen klubla olan müqaviləsi ilə bağlı mövqeyini açıqlayıb.
İdman.Biz "Mundo Deportivo"ya istinadla xəbər verir ki, alman qolkiper mövcud müqaviləsindən heç bir maliyyə güzəşti etməyi planlaşdırmır.
Ter Ştegen hesab edir ki, klubun çətin dövründə artıq kifayət qədər dəstək göstərib, o, maaşını uzadıb və ödənişlərin bir hissəsini sonraya təxirə salıb.
Mənbənin yazdığına görə, qapıçı "Barselona"da yerini qorumaq və əsas heyət uğrunda mübarizə aparmaq niyyətindədir. Bununla belə, klub ona hazırkı müqaviləsinə bənzər şərtlərlə yeni variant təklif edərsə, mümkün ayrılıq ehtimalını da istisna etmir.
Qeyd edək ki, Ter Ştegen uzun illərdir "Barselona"nın əsas qapıçısıdır və klubun ən yüksək maaş alan futbolçularından biri hesab olunur.
