Idman.biz
"Atletiko"nun yarımmüdafiəçisi Kan İn Li əzələlərində yaranan narahatlıq səbəbindən Çempionlar Liqasının əsas mərhələsində "Ştutqart"la keçirilən qarşılaşmada iştirak etməyib.
İdman.Biz Mundo Deportivo nəşrinə istinadən xəbər verir ki, cənubi koreyalı futbolçu "Espanyol"la oyundan bəri əzələlərində həddindən artıq yüklənmənin təsirini hiss edir.
Komanda ilə birlikdə Almaniyaya yollanan və oyunöncəsi məşqdə iştirak edən Li özünü fiziki cəhətdən tam hazır hiss etməyib. O, bu barədə məşqçilər korpusuna məlumat verib.
Madrid klubu futbolçunun "Ştutqart"la matçda iştirak etməməsinə əvvəlcədən qərar verib. Bu addım onun səhhətindəki problemin ağırlaşmasının qarşısını almaq məqsədi daşıyıb.
Baş məşqçi Dieqo Simeone qarşıdakı sıx oyun təqvimini nəzərə alaraq yarımmüdafiəçinin optimal fiziki formasını bərpa etməsini istəyir.
"Atletiko" La Liqada "Deportivo" və "Levante" ilə qarşılaşmalardan sonra növbəti beynəlxalq fasiləyədək "Bavariya" və "Barselona"nı qəbul edəcək. Klub bu mühüm görüşlər ərəfəsində Kan İn Linin tam sağalmasına xüsusi diqqət yetirir.
