Sport24.az
"Sevilya" "Real"ın qapıçısı Fran Qonsalesi transfer etməyə yaxındır. Sport24.az xəbər verir ki, bu barədə AS nəşri məlumat yayıb.
Əndəlüslülər "Kral klubu"na transfer qiymətinin 50 faizini, daha dəqiq desək, 3 milyon avro ödəyəcəklər. Madridlilər qapıçının hüquqlarının yarısını özündə saxlayacaq və növbəti razılaşdırılmış "transfer pəncərəsi"ndə Fran Qonsalesi geri qaytarmaq hüququna malik olacaqlar.
Qeyd edək ki, 21 yaşlı Fran Qonsales "Real"ın U-18 komandasında əsas heyətə yüksəlib. O, ötən mövsüm A komandasında La Liqada bir oyun keçirib.
