Idman.biz
Afrika Millətlər Kubokunun açılış mərasiminə Mərakeş şahzadəsi Mulay Həsən də qatılıb.
İdman.Biz xəbər verir ki, şahzadəni salamlayan Mərakeş millisinin bütün futbolçuları ölkədə hörmət əlaməti sayılan ənənəyə uyğun olaraq Mulay Həsənin sağ çiynindən öpüblər. Bu jest Mərakeş mədəniyyətində yüksək ehtiram və hörmətin göstəricisi hesab olunur.
Qeyd edək ki, şahzadə Mulay Həsən əl öpülməsini qətiyyən qəbul etmir. Məlumata görə, daha əvvəl yerli siyasətçilər onu qarşılayarkən əlini öpmək istəsələr də, şahzadə buna açıq şəkildə etiraz edib və bu cür davranışı qəbul etmədiyini nümayiş etdirib.
Bu epizod açılış mərasimində diqqət çəkən məqamlardan biri olub və sosial şəbəkələrdə geniş müzakirələrə səbəb olub.
