Idman.biz
İngiltərənin "Mançester Yunayted" komandasının baş məşqçisi Ruben Amorim komandanın kapitanı Brunu Fernandeşin zədəsi ilə bağlı açıqlama verib.
İdman.Biz xəbər verir ki, portuqaliyalı mütəxəssis yarımmüdafiəçinin İngiltərə Premyer Liqasının 17-ci turunda "Aston Villa" ilə oyunda (1:2) zədə aldığını bildirib.
Fernandeş ilk hissədə epizodların birində narahatlıq hiss edib və fasilədən sonra əvəzlənib.
Amorimin sözlərinə görə, futbolçuda yumşaq toxuma zədəsi var:
"Bərpa üçün bir qədər vaxt lazım olacaq və bir neçə oyunu buraxacaq. Amma dəqiq nəsə demək çətindir. O, həmişə formada olan və tez bərpa olunan futbolçudur. Bu il, xüsusilə son dövrdə çoxlu problemlərimiz var, amma biz bunun öhdəsindən gəlməliyik".
