Idman.biz
Azərbaycan millisinin futbolçusu Ramil Şeydayevin çıxış etdiyi "Soçi" Rusiya Birinci Liqasının 15-ci turunda səfərdə "Tekstilşik"i 3:1 hesabı ilə məğlub edib.
İdman.Biz xəbər verir ki, qarşılaşmada hesabı səkkizinci dəqiqədə meydan sahiblərinin futbolçusu Aleksandr Pomalyuk açıb. Lakin "Soçi" 13-cü və 63-cü dəqiqələrdə Mixail İqnatovun qolları ilə önə keçib. Zaxar Fyodorov isə 67-ci dəqiqədə penaltini dəqiq yerinə yetirərək yekun hesabı müəyyənləşdirib. "Tekstilşik"in futbolçusu Pomalyuk ikinci hissədə penaltidən yararlana bilməyib.
Ehtiyat oyunçular skamyasında yer alan Şeydayev 75-ci dəqiqədə Fyodorovu əvəzləyərək mübarizəyə qoşulub.
Bu, komandanın cari mövsümdə hesabda geri düşdükdən sonra qazandığı dördüncü qələbədir.
Bu nəticədən sonra xallarını 32-yə çatdıran "Soçi" turnir cədvəlində ikinci pillədə qərarlaşıb.
