Idman.biz
İspaniyanın "Barselona", İtaliyanın "İnter", Fransanın PSJ klublarının sabiq yarımmüdafiəçisi Rafinya Alkantara 32 yaşında futbolçu karyerasını başa vurduğunu açıqlayıb.
İdman.Biz xəbər verir ki, futbolçu bu barədə sosial şəbəkə hesabında məlumat paylaşıb.
Rafinya Alkantara karyerası ərzində dörd dəfə İspaniya çempionu olub, Çempionlar Liqası və UEFA Superkubokunu qazanıb. O, həmçinin dörd dəfə İspaniya Kubokunun, bir dəfə İspaniya Superkubokunun sahibi olub, Fransa çempionatı və Kubokunu qazanıb. Bundan başqa, 2016-cı ildə Braziliya millisinin heyətində Olimpiya çempionu adını əldə edib.
"Qısa fasilədən və uzunmüddətli bərpa prosesindən sonra bu gün sizinlə mənim üçün vacib olan bir xəbəri bölüşmək istəyirəm. Karyeramı başa vurmaq qərarına gəldim. Bir ildən bir qədər artıq müddət əvvəl dizimdən zədə aldım və təəssüf ki, bu zədə yenidən ən yüksək səviyyədə çıxış etməyimə imkan vermir", - deyə Rafinya Alkantara müraciətində qeyd edib.
