Idman.biz
"Bu görüşdə üç xal bizim üçün son dərəcə dəyərli idi. Qarşılaşmada xarakter və mübarizə həlledici rol oynadı. İlk hissədə "Şamaxı" daha istəkli təsir bağışlayırdı. Fasilədən sonra isə oyunun gedişinə nəzarəti ələ aldıq və daha yaxşı çıxış etdik. Qələbə qazanmaq bizim üçün xüsusi əhəmiyyət daşıyırdı. Eyni zamanda "Şamaxı" kimi rəqabətədavamlı komanda formalaşdırdığı üçün Ayxan Abbasovu da təbrik edirəm".
Teleqraf xəbər verir ki, bunu "Qarabağ"ın baş məşqçisi Qurban Qurbanov Azərbaycan Premyer Liqasının 19-cu turu çərçivəsində səfərdə "Şamaxı"ya 2:1 hesabı ilə qalib gəldikləri oyundan sonra keçirilən mətbuat konfransında deyib.
"Bu heyət son matçı buraxmışdı. "İmişli" ilə oyunda da dəyişikliklər mümkündür. Bəzi futbolçudan narazılığım var. Bəzi nüanslar var ki, özlərini sübut etməlidirlər. Hələ bir neçə gün var. Fərqli yanaşa da bilərik. Ola bilsin oyun zamanı fərqli seçimlər edək. İnanıram ki, sonda doğrusunu deyəcəyik" - Qurbanov əlavə edib.
Qurban Qurbanov Nəriman Axundzadənin ABŞ klubuna transferindən də söz açıb: "Ciddi danışıqlar gedir. Sona yaxınlaşır, amma konkret deyil. Belə bir kluba getməsi əlbəttə ürəkaçan deyil. Amma son zamanlar baş verənlərə görə getməsi lazım idi. Nəriman bizim son illərdəki ən məhsuldar oyunçularımızdan biri idi. Son başverənlərdən sonra özünü ələ ala bilmədi. Getməsi lazımdır ki, özünü yenidən tapa, toparlana bilsin. Edəcək bir şey yoxdur. Təki alınsın, onun üçün yaxşı olsun. Böyümək üçün son iki ildə çox çalışırdı. Bu gün oyundan sonra da futbolçulardan biri mənə yaxınlaşıb dedi ki, mənə yaxşı təklif gəlib. Bilmirik, saxlaya biləcəyik, ya yox. Xoşagəlməz deməzdim, amma elə bir yerdən təklif gəlir ki, oraya ancaq pul üçün getmək olar. Çalışırıq onları motivasiya edək".
Təcrübəli mütəxəssis Bəhlul Mustafazadənin Çin klubuna transferinin baş tutmamasına da münasibət bildirib: "Orada bir neçə detallar oldu. Onunla danışmışdıq. Belə deyim, mən Bəhlul tərəfdə idim. Çox dərinə getməyək".
Belə bir kluba getməsi əlbəttə ürəkaçan deyil. Amma son zamanlar baş verənlərə görə getməsi lazım idi. Nəriman amma bizim son illərdəki ən məhsuldar oyunçularımızdan biri idi. Son başverənlərdən sonra özünü ələ ala bilmədi. Getməsi lazımdır ki, özünü yenidən tapa bilsin, toparlana bilsin. Edəcək bir şey yoxdur. Təki alınsın, onun üçün yaxşı olsun. Böyümək üçün son iki ildə çox çalışırdı.
