Sport24.az
UEFA Avropa Liqasının Liqa mərhələsi çərçivəsində keçiriləcək "Qarabağ" - "Malmö" matçının biletləri bu gün saat 12:00-dan etibarən satışa çıxarılacaq. Sport24.az xəbər verir ki, matç Tofiq Bəhramov adına Respublika stadionunda keçiriləcək.
20:45-də start götürəcək matçın biletlərinin qiyməti müvafiq olaraq 5, 20, 30, 40, 75 və 150 manat təşkil edir.
VVIP C və VVIP D sektorlara bilet alaraq, VIP Lounge üstünlüklərindən yararlanmaq istəyən azarkeşlər üçün biletlərin qiyməti isə 300 manatdır.
Azarkeşlər biletləri iTicket.az-ın satış məntəqələrindən (iTicket.az-da onlayn satış), Park Bulvardakı "Qarabağ" FK-nın Fan-Şopundan, Tofiq Bəhramov adına Respublika stadionunun kassalarından əldə edə bilərlər.
