Sport24.az
"Qalatasaray"ın nigeriyalı futbolçusu Viktor Osimhenin bir fotoqrafa şəkillərinin yayınlamaması üçün əvvəlcə pul təklif etdiyi, ardınca isə onu yumruqla vurduğu ilə bağlı xəbərlər yayılıb. Sport24.az Türkiyə mətbuatına istinadən xəbər verir ki, "Qalatasaray"ın "Napoli"dən icarəyə götürdüyü hücumçu dünən gecə aləmi bir-birini qatıb.
Futbolçu dostları ilə birgə əyləncə məkanından çıxdığı vaxt şəkilini çəkmək istəyən və aralarında "Posta" qəzetinin əməkdaşı Tolqa Bozdumanın da olduğu müxbirləri görüncə əsəbləşib.
Nigeriyalı öncə jurnalsitlərlə şəkillərin silinməsi ilə bağlı danışıb, pul təklif edib. Ancaq onların razılaşmadığını gördükdə Tolqaya fiziki xəsarət yetirib.
