Sport24.az
Nəhayət ki, gəncəli azarkeşlərin intizarı bitmək üzrədi. Sport24.az-ın əldə etdiyi məlumata görə, yaxın vaxtda ölkənin ikinci ən böyük şəhərinin klubununun da üzünə gün doğacaq, yeni sponsoruna qovuşacaq.
Etibarlı mənbədən redaksiyamıza daxil olan bilgiyə əsasən, yeni himayədar "Kəpəz"ə maliyyə ayırmaqla yanaşı, ümimiyyətlə, "sarı-göylər"in tam hüquqlu sahibi olmaq istəyir. Hətta bu barədə AFFA rəhbərliyinin də xəbəri var. Ancaq hələ ki, bu yöndə buzlar yerindən tərpənməyib. Niyə?
Niyəsi isə çox maraqlıdı. Mənbəmizin sözlərinə görə, "sarı-göylər"i himayəsinə götürmək istəyən qurum artıq Azərbaycan çempionatında birbaşa və dolayısı ilə bəzi klublara vəsait ayırır. Ancaq onların arasında Premyer Liqa təmsilçisi yoxdu. Adını hələ açıqlamaq istəmədiyimiz şirkət hələ ki, I Liqa klublarını "çətiri altına" götürüb. Ancaq onlar üçün prioritet elita təmsilçisinə sahib çıxmaqdı. Və bunun üçün bütün güclər səfərbər olunub. O da bəllidir ki, "Kəpəz" himayəyə götürmək istəyənlər ümumiyyətlə, ölkə futboluna nəzarəti ələ almaq niyyətindədirlər.
Çox maraqlıdır ki, Gəncə klubu birvaxtlar bir-birinə əks qütblərdə qərarlaşan qüvvələri də "dost" edib. Və bu dostlar üçün Azərbaycan futbolunu ələ keçirmək "Kəpəz"ə sahiblənməkdən başlayır. Yenə təkrarlayırıq ki, plan və bu planı icra edənlər bizə məlumdu. Sadəcə, hələ ki, adları açıqlamaq istəmirik. Yalnız onu deyə bilərik ki, ruzigar Avropadan əsir...
