Sport24.az
Tərəfdaşlıq müqaviləsi Azərbaycan futboluna böyük xeyir verəcək. Sport24.az xəbər verir ki, bunu Futbolun İnkişaf Fondunun (FİF) icraçı direktoru Tural Piriyev ASTA (Azerbaijan Sport Talents Academy) ilə "Mingəçevir" futbol klub arasında tərəfdaşlıq müqaviləsinin imzalanması mərasimindən sonra jurnalistlərə açıqlamasında deyib.
O, sözügedən anlaşmanın Azərbaycan futboluna böyük xeyir verəcəyinə inandığını bildirib
"Ötən ilin aprel ayından bu proseslərə başlamışıq. İlk dövlərdə bir-neçə regionlara səfərimiz olmuşdu. Yekunda "Mingəçevir" variantı üzərində dayandıq. 4 ay idi ki, aktiv danışıqlar gedirdi. Bu danışıqlarda Gənclər və İdman Nazirliyi də iştirak edirdi. Tərəfdaşın əsas planları infrastrukturla bağlı olduğu üçün razılığın əldə olunması çox önəmli idi. Artıq uzunmüddətli inkişaf proqramı hazırlanıb. Əsas üç istiqamət komandanın inkişafı, uşaq futboluna diqqət və infrastrukturun təkminləşdirilməsi olacaq. Hazırkı hədəf "Mingəçevir"in I Liqadakı yerini qoruyub saxlaması olacaq".
