Sport24.az
"Ayntraxt"ın hücumçusu Elye Vahi komandadan ayrılacaq. Sport24.az xəbər verir ki, fransalı hücumçu ölkəsinə qayıdacaq.
Bu barədə "Foot Mercato" nəşri məlumat yayıb.
"Nitsa" Vahinin keçidini həll edib. Liqa 1 klubu 22 yaşlı forvardı yanvar ayında icarəyə götürəcək.
"Ayntraxt" Elye Vahini bu ilin yanvar ayında "Marsel"dən 26 milyon avroya transfer edib. Fransa U-21 millisinin sabiq üzvü bu mövsüm Frankfurt təmsilçisinin heyətində meydana çıxdığı 14 rəsmi matçda 1 qol və 3 məhsuldar ötürmə ilə yadda qalıb.
Qeyd edək ki, "Ayntraxt" UEFA Çempionlar Liqasının Liqa mərhələsində "Qarabağ"ın rəqibidir. Komandalar arasındakı oyun gələn ilin 22 yanvar tarixində Bakıda keçiriləcək.
