Sport24.az
Bu gün Azərbaycan çempionu "Qarabağ" Çempionlar Liqasının 2025/26 mövsümündə mübarizəyə qoşulacaq. Sport24.az xəbər verir ki, Ağdam təmsilçisi II təsnifat mərhələsində İrlandiya təmsilçisi "Şelburn"la ilk oyuna çıxacaq.
Dublindəki "Tolka Park"da keçiriləcək matç Bakı vaxtı ilə saat 22:45-də start götürəcək.
Bu komandalar arasında cavab oyunu isə iyulun 30-da Tofiq Bəhramov adına Respublika stadionunda keçiriləcək və saat 20:00-da start götürəcək. Bu cütün qalibi 3-cü təsnifat mərhələsində "Şkendiya" (Şimali Makedoniya) - FCSB (Rumıniya) cütündə qələbə qazanan komanda ilə oynayacaq.
Qeyd edək ki, İrlandiya paytaxtında baş tutacaq qarşılaşmada ədaləti Xorvatiyadan olan hakimlər briqadası qoruyacaq.
Çempionlar Liqası
II təsnifat mərhələsi, ilk oyun
22:45. "Şelburn" (İrlandiya) - "Qarabağ"
Hakimlər: Ante Çulina, Luka Puşiç, İvan Mihali, Mateo Erceq
VAR: Mario Zebec
AVAR: Tixomir Pejin
Dublin. "Tolka Park"
