"Qarabağ" - "Ferentsvaroş": Heyətlər və Çempionlar Liqasına yüksəlmək şansı

Çempionlar Liqasında pley-off mərhələsinin cavab oyunları davam edir. Sport24.az xəbər verir ki, bu gün daha 4 matç baş tutacaq. 

Turnirdəki təmsilçimiz "Qarabağ" ilk görüşdə məğlub etdiyi (3:1) "Ferentsvaroş"u qonaq edir. Tofiq Bəhramov adına Respublika Stadionunda keçiriləcək görüşün start fiti saat 20:45-də səslənəcək. 

Qeyd edək ki, "Qarabağ" "Ferensvaroş"u 2 oyunun yekun nəticəsinə görə, mübarizədən kənarlaşdıracağı halda tarixində 2-ci dəfə Çempionlar Liqasının əsas mərhələsinə yüksələcək. Qurban Qurbanovun komandası 2017-ci ildə Avropanın mötəbər klub turnirinin qrup mərhələsində mübarizə aparmışdı.

Çempionlar Liqası

Pley-off mərhələsi, cavab oyunu

20:45. "Qarabağ" - "Ferentsvaroş" (Macarıstan)

Hakimlər: Kleman Tyurpen, Nikolya Danos, Aleksis Auqer, Romen Lissorq (Fransa)

VAR: Jerom Brisar (Fransa)

AVAR: Nikolas Renvil (Fransa)

Bakı. Tofiq Bəhramov adına Respublika Stadionu

İlk oyun - 3:1

"Qarabağ": 99. Mateuş Koxalski, 44. Elvin Cəfərquliyev, 13. Bəhlul Mustafazadə, 81. Kevin Medina, 2. Mateus Silva, 35. Bedro Bikalyo, 8. Marko Yankoviç, 20. Kadi Borges, 10. Abdullah Zubir (k), 15. Leandro Andrade, 90. Nəriman Axundzadə

Baş məşqçi: Qurban Qurbanov

"Ferentsvaroş": 90. Denes Dibuş, 47. Kallum Odovda, 28. Toon Raemaekers, 27. İbrahim Sisse, 25. Sebrails Makrekis, 5. Nabi Keyta, 23. bence Ötvös, 10. Conatan Levi, 75. Lenni Jozef, 36. Qabi Kaniçovski, 19. Barnabas Varqa