Idman.biz
"Fiorentina"nın hücumçusu Moyze Kin qarşıdan gələn transfer pəncərəsində "Paris" klubunun əsas hədəflərindən birinə çevrilib.
Bu barədə İdman.Biz "La Gazzetta dello Sport"a istinadən məlumat verir.
Paris klubu bu transferin asan başa gəlməyəcəyini başa düşür, çünki komandalar arasında hələlik heç bir əlaqə olmayıb. Kin komandanın vacib bir hissəsi olduğundan İtaliya klubu ondan ayrılmaq istəmir. Oyunçunun özü də hazırda başqa bir kluba transfer olunmağı düşünmür. Onun 62 milyon avroluq sərbəst qalma bəndi bu yay qüvvəyə minir.
Moyze Kin əvvəllər Fransada oynayıb: o, 2020-ci ildən 2021-ci ilə qədər icarə əsasında PSJ-də olub.
