Idman.biz
"Real Madrid"in keçmiş hücumçusu Predraq Miyatoviç "Los Blancos"un hücumçusu Kilian Mbappenin komandanın lideri olmadığını bildirib.
İdman.Biz xəbər verir ki, bu mövsüm fransalı bütün yarışlarda 29 oyunda meydana çıxıb, 36 qol vurub və beş məhsuldar ötürmə edib.
"Düşünürəm ki, "Real Madrid"də oyunu dəyişdirən oyunçu yox, lider çatışmır. "Biz nə edirik?" deyən bir lider görmürəm. Serxio Ramos, Modriç, Benzema, Fernando Yerro, Raul... Özünə diqqəti cəlb edən bir lider. Mənim nəslimdə Fernando Yerro lider idi və əgər bir şey desəydi, bunu etmək lazım idi.
Mbappe əla oyunçudur, amma lider deyil. Zidan Fransada lider deyildi, amma ən yaxşı oyunçu idi. Qollar Mbappeni lider etmir. Oyunçular sanki dünyanın ən yaxşılarıymış kimi və heç bir səhvləri olmadığı kimi davranırlar. Bu, yorğunluq, özündənrazılıq... Mən qığılcımı görmürəm", - deyə Cadena SER Miyatoviçin sözlərini sitat gətirir.
