Lent.az
"Milan" qarşıdan gələn yanvar ayında "Vest Hem"in hücumçusu Niklas Fyullkruqu icarəyə götürmək variantını nəzərdən keçirir.
Lent.az xəbər verir ki, 32 yaşlı hücumçu ingilis klubunun heyətində kifayət qədər oyun vaxtı almadığı üçün komandanı dəyişmək istəyir. Bununla yanaşı, vurğulanır ki, Fyullkruq "rossoneri" üçün əsas seçim deyil.
Cari mövsümdə alman hücumçu bütün turnirlərdə doqquz oyunda iştirak edib və məhsuldar nəticə ilə yadda qalmayıb. Ümumilikdə Fyullkruq meydanda 413 dəqiqə keçirib. Futbolçunun "Vest Hem"lə mövcud müqaviləsi 2028-ci ilin yayına qədər qüvvədədir.
Transfermarkt portalının məlumatına əsasən, oyunçunun bazar dəyəri 8 milyon avro təşkil edir.
