Idman.biz
Afrika Millətlər Kuboku - 2025-in açılış matçında Mərakeş millisi Komor adaları yığmasını məğlub edib.
İdman.Biz xəbər verir ki, Rabat şəhərində, şahzadə Bin Fəhd adına stadionda keçirilən qarşılaşma Mərakeşin 2:0 hesablı qələbəsi ilə yekunlaşıb.
Görüşün 11-ci dəqiqəsində Sufyan Rahiminin vurduğu qol baş hakim tərəfindən qeydə alınmayıb. Hesab ikinci hissədə açılıb. 55-ci dəqiqədə "Real Madrid"in hücumçusu Brahim Dias Mərakeşi önə çıxarıb. 74-cü dəqiqədə isə Ayub Əl-Kaabi fərqlənərək oyunda son nöqtəni qoyub.
Qeyd edək ki, A qrupunda Mərakeş və Komor adaları ilə yanaşı Mali və Zambiya yığmaları da mübarizə aparır.
Afrika Millətlər Kuboku–2025 Mərakeşdə keçirilir. Turnirdə altı qrupa bölünmüş 24 milli komanda iştirak edir. Yarış 18 yanvaradək davam edəcək. Turnirin son qalibi Kot-d"İvuar yığmasıdır.
