Idman.biz
Hakim Alexandra Gil Lima "Neqreyra işi"nin bir hissəsi olaraq "Real Madrid"in 2003-2021-ci illər arasında "Barselona"nın iqtisadi idarəçiliyi ilə bağlı xarici məsləhətçilər tərəfindən aparılan bütün auditləri, lazımi araşdırma yoxlamalarını və ekspert rəylərini araşdırmaq üçün etdiyi tələbi rədd edib.
İdman.Biz bu barədə "Marca"ya istinadən xəbər verir.
Hakim "Real Madrid"in tələblərini əsassız hesab edərək, "Barselona"nın keçmiş prezidenti Xosep Maria Bartomeunun lehinə qərar verib.
"Barselona"nın keçmiş prezidenti vəkili vasitəsilə "Real Madrid"in rəsmi tələbindən sonra əlavə sənədləri təqdim etməkdən imtina edən sənəd təqdim edib və "Los Blancos"un Kataloniya klubundan şəxsi sənədlər və məxfi məlumatlar əldə etmək niyyətində olduğunu iddia edib.
Xatırladaq ki, 2023-cü ildə "Barselona" və onun rəhbərliyi Kral İspaniya Futbol Federasiyasında (RFEF) işləyən Hakimlərin Texniki Komitəsinin (CTA) keçmiş vitse-prezidenti Xose María Enrikes Neqreyraya ödənişlərdə rüşvətxorluqda ittiham edilib.
