Sport24.az
"Mançester Yunayted" yeni qapıçı ilə anlaşıb. Sport24.az İngiltərə klubunun rəsmi saytına istinadən xəbər verir ki, "Suonsi"nin qolkiperi Kit Marqet bundan sonra "qırmızı şeytanlar"ın formasını geyinəcək.
20 yaşlı qapıçı ilə müqavilənin təfərrüatları açıqlanmayıb.
Marqetson ötən mövsümü icarə əsasında "Konnas-Ki Nomads"da çıxış edib. Qapıçı Uels komandasında 34 oyun keçirib və 39 qol buraxıb. O, 10 qarşılaşmada qapısını toxunulmaz saxlayıb.
Qeyd edək ki, Marqetson 2026-cı ilin mart ayında Uelsin 21 yaşadək komandasında debüt edib. O, əvvəllər U-16, U-17 və U-19 yığmalarında oynayıb.
