"Liverpul"un vingeri Luis Dias "Bavariya" ilə prinsipial razılığa gəlib. Sport24.az xəbər verir ki, bu barədə Almaniyanın məşhur "Bild" nəşri məlumat yayıb.
Mənbənin sözlərinə görə, almanlar indi transferi yekunlaşdırmaq və keçidin qiymətini razılaşdırmaq üçün İngiltərə klubu ilə danışıqlara başlayacaq. Kolumbiyalı futbolçu "Barselona"nın da əsas transfer hədəfidir.
Qeyd edək ki, Dias 2022-ci ilin yanvarından "Liverpul"un formasını geyinir. O, 2024/2025 mövsümündə 50 oyunda meydana çıxıb, 17 qol və 8 məhsuldar ötürmə ilə yadda qalıb.