Idman.biz
İngiltərənin "Liverpul" komandasının tibbi heyəti hücumçu Aleksandr İsakın zədəsinin dərəcəsini və sınıq ehtimalını müəyyənləşdirmək üçün əlavə müayinələr aparacaq.
İdman.Biz xəbər verir ki, bu barədə jurnalist Ben Jakobs məlumat yayıb.
İsak İngiltərə Premyer Liqasının 17-ci turunda "Tottenham"lə oyunda (2:1) sol ayağının aşağı hissəsindən zədə alıb. İsveçli hücumçu vurduğu qoldan dərhal sonra, qarşılaşmanın 60-cı dəqiqəsində meydanı tərk edib və müddətsiz sıradan çıxıb.
Mənbənin məlumatına görə, "Liverpul"da zədənin ciddiliyi ilə bağlı nikbin əhval-ruhiyyə yoxdur. Tibbi yoxlamaların nəticələri futbolçunun uzun müddət yaşıl meydanlardan uzaq qalacağını təsdiqləsə, bu vəziyyət klubun qış transfer pəncərəsində yeni hücumçu axtarışına çıxmasına səbəb ola bilər.
