Idman.biz
"Liverpul" FK-nın mətbuat xidməti hücumçu Aleksander İsakın Premyer Liqanın 17-ci turunda "Tottenhem" üzərində 2-1 hesablı qələbə qazandığı oyunda aldığı zədə ilə bağlı açıqlama yayıb.
İdman.Biz xəbər verir ki, isveçli 56-cı dəqiqədə qol vurub və 60-cı dəqiqədə əvəz edilib.
"Aleksander İsak şənbə günü aldığı zədədən sonra bu gün uğurla əməliyyat olundu. "Liverpul" hücumçusu "Tottenhem"lə matçda ilk qolu vurmağa çalışarkən toqquşma nəticəsində zədə alıb və meydanı tərk etmək məcburiyyətində qalıb.
Diaqnostikadan sonra bu gün ayaq biləyi zədəsi, o cümlədən fibula sınığı ilə bağlı əməliyyat edildi. İsakın reabilitasiyası klubun məşq mərkəzində davam edəcək. Onun geri dönmə tarixi hələ müəyyən edilməyib", - mətbuat xidməti "Liverpulun" rəsmi saytında dərc olunmuş açıqlamada bildirib.
