Sport24.az
"Barselona"nın prezidenti Joan Laporta futbolçuları Dani Olmo və Pau Viktorun qeydiyyatları ilə bağlı açıqlama verib. Sportal.az xəbər verir ki, bu barədə Kataloniya klubunun mətbuat xidməti məlumat yayıb.
O deyib: "Biz 1:1 maliyyə feyr-pley qaydalarına qayıtdıq. Bu isə o deməkdir ki, normal şəkildə futbolçularla müqavilə imzalaya bilərik və Olmo qeydiyyatdan keçirilib. Bizə torpaqdan, dənizdən və havadan, çöldən və bəzən içəridən hücum edirdilər... Onlar biabırçı hekayələr yayaraq "Barselona"ya ziyan vermək istəyirdilər. Xatırlayın ki, biz kluba maliyyə problemləri yaşadığı dövrdə qayğı göstərdik və qoruduq. İndi isə tamamilə sağlam bir vəziyyətə çatmışıq. Həm meydanda, həm də meydandan kənarda. Yaxın zamanda yeni stadionumuz hazır olacaq, "Nike" şirkəti ilə tarixi müqavilə imzalamışıq.
Heç kəsə icazə verməyəcəm ki, Laportanı tənqid edərək, bundan istifadə edib klubu və komandanı tənqid etsin. Onlar həqiqətən düşünürdülər ki, mən istefa verəcəyəm? Şansları belə yoxdur. İndi isə biz Arauxonun qalmasını istəyirik. Ümid edirik ki, həll yolunu tapacağıq. O, möhtəşəm insan və oyunçudur".
