Idman.biz
Fransanın "Lans" klubu Liqa 1-in 16-cı turunda doğma meydanda "Nitsa" üzərində inamlı qələbə qazanıb.
İdman.Biz xəbər verir ki, qarşılaşma meydan sahiblərinin 2:0 hesablı üstünlüyü ilə başa çatıb. Oyunda əsas qəhrəman "Lans"in hücumçusu Odsonn Eduar olub. O, 15-ci dəqiqədə hesabı açıb, 57-ci dəqiqədə isə dubla imza ataraq matçın taleyini həll edib.
Qarşılaşmanın qalan dəqiqələrində hesab dəyişməyib və "Lans" növbəti üç xalı aktivinə yazdırıb.
Bu nəticədən sonra "Lans" 16 oyunda topladığı 37 xalla Fransa çempionatının turnir cədvəlinə başçılıq edir. "Nitsa" isə 17 xalla 13-cü pillədə qərarlaşıb.
Növbəti turda "Lans" səfərdə "Tuluza" ilə üz-üzə gələcək, "Nitsa" isə doğma meydanda "Strasburq"u qəbul edəcək.
