Lent.az
"Barselona"nın ispaniyalı yarımmüdafiəçisi Lamin Yamal "Transfermarkt" portalının reytinqinin yenilənmiş versiyasında dünyanın ən bahalı futbolçusu olub.
Lent.az xəbər verir ki, siyahıya 200 milyon avro bazar dəyəri ilə Yamal başçılıq edir. İlk 5-likdə həmçinin "Real"ın futbolçusu Jude Bellinqhem və Kilian Mbappe (hər ikisi 180 milyon avro), eləcə də əvvəllər birinci yeri bölüşən Erlinq Haaland (180 milyon avro) və Vinisius (170 milyon avro) yer alıb.
28 oktyabr 2024-cü ildə Lamin Yamal ilin ən yaxşı gənc futbolçusu olub. Keçən il Yamal İspaniya millisinin tərkibində 2024-cü il Avropa çempionatını qazandı. Onun komandası final oyununda İngiltərəyə 2:1 hesabı ilə qalib gəlib.
2024/25 mövsümündə Yamal La Liqada "Barselona"nın heyətində 35 oyun keçirib, 9 qol vurub və 13 məhsuldar ötürmə edib, komanda ilə çempionluq və İspaniya kubokunu qazanıb.
