Idman.biz
Yeni mövsümə hazırlaşan "Kəpəz"in toplanış dönəmində yoxlama görüşlərində qarşılaşacağı rəqiblər müəyyənləşib.
İdman.biz Sport24.az-a istinadən xəbər verir ki, "sarı-göylər" Premyer Liqanın startına kimi bir neçə qarşılaşma keçirməyi planlaşdırır.
Gələn ay, daha dəqiq desək, iyulda Adil Şükürovun baş məşqçisi olduğu klub "Şamaxı" və "İmişli" ilə üz-üzə gələcək. Oyunların keçirkləcəyi tarix hələ dəqiqləşməyib.
Avqustun əvvəlində də gəncəliləri iki qarşılaşma gözləyir. Bu dəfə rəqiblərin əcnəbi klublar olacağı gözlənilir. Qəbələyə toplanışa gələcək Küveyt təmsilçiləri "Kəpəz"lə yoxlama oyunu keçirəcəklər.
Qeyd edək ki, Misli Premyer liqasında yeni mövsüm avqustun 15-də start götürəcək.
İdman.biz
