Idman.biz
"Qəbələ"nin baş məşqçisi Kaxaber Tsxadadze intizam tədbirləri ilə üzləşə bilər.
İdman.Biz-in məlumatına görə, bu məsələyə AFFA İntizam Komitəsinin növbəti iclasında baxıla bilər.
Məsələ Misli Premyer Liqasının 16-cı turunda "Qarabağ"la oyunda baş verən hadisə ilə bağlıdır. 41-ci dəqiqədə Tsxadadze hakim Əli Əliyevin qərarına sərt reaksiya verib və ona qarşı təhqiramiz ifadələr işlədib. Həmin anda top "Qəbələ"nin oyunçusuna toxunmadan qapı xəttini keçib, lakin hakim künc zərbəsi təyin edib və bu, gürcü məşqçinin kəskin reaksiyasına səbəb olub.
Bu hadisə CBC Sport tərəfindən yayımlanıb, lakin hakimlər heyətinin diqqətindən yayınıb. Qeyd olunur ki, "Neftçi"nin keçmiş baş məşqçisi Samir Abasov vaxtilə oxşar qayda pozuntusuna görə cəzalandırılıb. Bu baxımdan, Kaxaber Tsxadadzenin dörd oyunluq diskvalifikasiya oluna biləcəyi mümkündür.
