top
Jota Oliveyra: Mövsümün ən yaxşı qolunu vurdu Idman.biz
20 oktyabr 2026, 20:01
- ↺ +

Jota Oliveyra: "Mövsümün ən yaxşı qolunu vurdu"

Misli Premyer Liqasının səkkizinci turunda "Şamaxı" doğma meydanda "Şəfa" üzərində 3:2 hesablı qələbə qazanıb. İki top fərqi ilə geri düşən meydan sahibləri geridönüş etməyi bacarıblar. Görüşün 65-ci dəqiqəsində "Şamaxı"nın sol cinah müdafiəçisi Jota Oliveyra baxımlı qola imza atıb.

İdman.Biz fanat.az-a istinadən xəbər verir ki, portuqaliyalı futbolçu vurduğu qol, komandasının çıxışı və qarşıdakı oyunla bağlı sualları cavablandırıb.

– 0:2 hesabından sonra geridönüşə inanırdınız? Oyunun nəticəsini dəyişə biləcəyinizə əmin idiniz?

– İlk növbədə, matçda ən yaxşı tərəfimizi göstərmədiyimizi bilirdik. Xüsusilə birinci hissədə bəzi səhvlər etdik və rəqibə həddindən artıq boşluq verdik. İkinci hissədə isə bu problemləri aradan qaldırmağa, oyunumuzu yaxşılaşdırmağa və meydanda fərqli yanaşma nümayiş etdirməyə nail olduq. Düşünürəm ki, bu komandanın gücünü və ən çətin anlarda belə sonadək inanmaq bacarığını göstərdik. Həm komanda birliyi, həm də özümüzə inam görüşün nəticəsini dəyişməyimizə imkan verdi. Azarkeşlərimizə də dəstəklərinə görə təşəkkür etmək istəyirəm. Onların ruhlandırıcı dəstəyi bizim üçün çox önəmlidir və son fitə qədər mübarizə aparmaqda bizə əlavə motivasiya verir.

– Komanda ardıcıl yeddi oyundur məğlub olmur. "Şamaxı"nın imkanlarını nəzərə alsaq, avrokuboklara vəsiqə qazanmağı real hədəf hesab edirsiniz?

– Çempionat çox rəqabətlidir və üzərində işləməli, inkişaf etdirməli olduğumuz bir çox məqamlar var. Bizim yanaşmamız hər oyuna ayrıca köklənmək, ayaqlarımızı yerdən üzməmək və hər gün daha da yaxşılaşmağa çalışmaqdır. Həmişə daha artığını istəyirik, lakin inkişafın gərgin əmək və ardıcıllıq sayəsində mümkün olduğunu anlayırıq. Bu yolda bizə dəstək olan azarkeşlərimizə minnətdarıq. Onlar bu proses boyunca bizim üçün çox önəmli olublar. Mövsümün sonunda turnir cədvəlində hansı mövqedə olacağımızı və nəyə nail ola biləcəyimizi görəcəyik.

– Son oyunda möhtəşəm qol vurdunuz. Həmin qol haqqında nə deyə bilərsiniz?

– Fərqləndiyim üçün çox xoşbəxtəm. Xüsusilə də bu, çempionatda ilk qolum idi və belə bir qolla yadda qaldı. Bəlkə də indiyədək karyeramın ən yaxşı qolu idi. Amma ən əsası, komandama üç xal qazanmaqda kömək etdiyim üçün sevinirəm. Hər zaman ən vacib olan budur. Belə qalibiyyətlər futbolçulardan tutmuş bütün məşqçi və texniki heyətə qədər hər kəsin böyük kollektiv əməyi sayəsində mümkün olur. Onlar hər gün məqsədlərimizə çatmağımız üçün çalışırlar.

– Növbəti rəqibiniz "İmişli"dir. Bu oyunla bağlı gözləntiləriniz nələrdir və məğlubiyyətsizlik seriyasını davam etdirmək üçün nə etməlisiniz?

– Bizi çətin oyun gözləyir, çünki bu çempionatda bütün matçlar çətindir. Həftə ərzində çalışmağa davam etməli, son oyunda buraxdığımız səhvləri təhlil edib aradan qaldırmalı və onların təkrarlanmasına imkan verməməliyik. Oyuna yüksək konsentrasiya, mübarizə əzmi və ən yaxşı performansımızla çıxmaq vacib olacaq. Azarkeşlərimizin dəstəyi bu dəfə də həlledici rol oynayacaq. Onların köməyi meydanda bizə əlavə güc və enerji verir. Ümid edirik ki, azarkeşlərimiz yanımızda olacaqlar və birlikdə əlimizdən gələnin ən yaxşısını edərək uğurlu seriyamızı davam etdirəcəyik.

Birev — ev elanları, mənzil, həyət evi, torpaq, ofis | Daşınmaz əmlak platforması
Qarabağ FK

Son xəbərlər

Futbol
Bu gün, 19:07

Liverpulun baş məşqçisi Soboslai'nin oyun üçün hazır olduğunu bildirdi

Futbol
Bu gün, 18:51

Mourinyo Real Madrid-in Selta ilə oyun öncəsi xəbərdarlıq etdi

Futbol
Bu gün, 18:29

Rəşad Sadıqov: Hakim qərarları ‘qəribə hadisələrə səbəb olur’

Futbol
Bu gün, 18:20

FIFA anonim şikayət kanalı vasitəsilə oyun və qayda pozuntularını nəzarətdə saxlayır

Futbol
Bu gün, 18:16

U-20 Azərbaycan komandası İraqa qarşı 2:1 qalib gəldi

Şahmat
Bu gün, 18:00

Azərbaycan polis komandası "Arlan Chess Cup 2026" beynəlxalq şahmat turnirinin qalibi oldu

Futbol
Bu gün, 17:51

UFA prezidenti Şevçenko, Mudrikin dopinq ittihamlarını böhtan olaraq qiymətləndirir

Cüdo
Bu gün, 17:30

İlham Zəkiyev Misir İsgəndəriyyə şəhərində Qran-pridə iştirak edəcək

Futbol
Bu gün, 17:25

AFFA qadın məşqçilər üçün UEFA C kursunu başladı

Futbol
Bu gün, 17:15

İmişli baş məşqçisi: Milli komandaya potensial futbolçular var

Futbol
Bu gün, 17:11

Ervins Perkons: “0:2 geri düşsək də, İmişli xal qazanmağa layiq idi”

Futbol
Bu gün, 17:05

Rəşad Sadıqov: 2-0 üstünlüyündən sonra heç-heçə etməyi məyusedicidir

Futbol
Bu gün, 17:00

Emil Səfərov Neftçi təmsilçiliyində Qəbələye qayıtmaq istəyir

Futbol
Bu gün, 16:49

İngiltərə Milli Milli, Millətlər Liqası qalibi üçün əsas namizəd sayılır

Futbol
Bu gün, 16:40

Şahdağ Qusar və Gəncəbasar 0:0 bitişi

Futbol
Bu gün, 16:40

Niko Pas: Messi'nin milli takımdaki varisi

Futbol
Bu gün, 16:34

Federiko Valverde "Real Madrid"lə müqaviləsini 2031-ci ilə kimi uzadıb

Futbol
Bu gün, 16:20

Roma, Corco De Marzi ilə 2031-ci ilə qədər yeni müqavilə imzaladı

Futbol
Bu gün, 16:19

Ağadadaş Salyanski: Millidə debut və qələbə – qazandığımız qələbəni də danmamalıyıq

Futbol
Bu gün, 16:04

PSJ Nitsada çətin sınaqla qarşı-qarşıya, “Lion” yeni dövrə başlayır – Liqa 1 11-ci turu

Futbol
Bu gün, 16:00

Viktor Osimhen Qalatasaray'ın ofsayda ən çox düşən hücumçusudur

Şahmat
Bu gün, 15:44

Azərbaycan şahmatçıları Qazaxıstanda keçirilən çempionatda iştirak edəcək

Futbol
Bu gün, 15:41

"Real" qapıcısı Tibo Kurtuanın müqaviləsini 2028-ci ilədək uzadıb

Futbol
Bu gün, 15:33

UEFA Millətlər Liqası 2026/27 üçün 1/4 final və pley‑off cütləri bəlli oldu

Oxşar xəbərlər