Idman.biz
İspaniyanın "Barselona" klubunun qapıçısı Joan Qarsiya qısa müddətdə komandanın əsas fiqurlarından birinə çevrilib. "Vilyarreal"a qarşı oyunda göstərdiyi inamlı çıxış Kataloniya təmsilçisinə qış çempionluğunu təmin edib.
İdman.Biz "Mundo Deportivo"ya istinadla xəbər verir ki, 24 yaşlı qolkiper meydandan kənarda da sadə həyat tərzini qoruyur və gündəlik vərdişlərini dəyişməyib, hətta eyni bərbərə getməyə davam edir və yalnız "Ciutat Esportiva"ya ("Barselona"nın idman kompleksi) daha yaxın əraziyə köçüb.
Komanda daxilində qısa zamanda müsbət münasibətlər quran qapıçı Pedri, Ferran Torres və Dani Olmo ilə yaxın əlaqə yaradıb.
Şəxsi həyatında təvazökarlığı seçən Joan Qarsiya dağlıq ərazilərə, xüsusilə Montserrat səfərlərinə üstünlük verir, vaxtının böyük hissəsini isə həyat yoldaşı ilə evdə keçirir. Qapıçının hər hansı xüsusi inancları və ya xurafatları yoxdur.
Statistik göstəricilərə görə, Joan Qarsiya Avropanın ən səmərəli qapıçıları sırasında yer alır. Onun qurtarış faizi 80,6 təşkil edir, oyunların 50 faizində qapısını toxunulmaz saxlayıb və cərimə meydançasından kənar epizodlarda da elit göstəricilərə malikdir.
