Idman.biz
Türkiyə Super Liqasının 16-cı turunda "Göztepe" səfərdə "Qaziantep" ilə qarşılaşıb.
İdman.Biz xəbər verir ki, görüş "Göztepe"nin 1:0 hesablı qələbəsi ilə yekunlaşıb. Qarşılaşmanın ilk hissəsi qolsuz başa çatıb.
Matçın 38-ci dəqiqəsində "Göztepe"nin futbolçusu Janderson fərqlənsə də, VAR-ın müdaxiləsindən sonra əllə oyun qeydə alınıb və qol ləğv edilib.
İkinci hissədə meydan sahibləri hesabı açmaq şansı yaxalayıb. 64-cü dəqiqədə "Qaziantep"nin xeyrinə penalti təyin olunub. Lakin 65-ci dəqiqədə Muhammed Bayonun zərbəsi dəqiq olmayıb.
Qonaqlar isə fürsəti qaçırmayıb. 69-cu dəqiqədə Janderson baş zərbəsi ilə topu qapıdan keçirərək "Göztepe"ni önə çıxarıb. Bu qol oyunda yeganə olub.
Bu nəticədən sonra "Göztepe" xallarının sayını 29-a çatdırıb. "Qaziantep" isə 23 xalla qalıb.
Növbəti turda "Göztepe" doğma meydanda "Samsunspor"u qəbul edəcək, "Qaziantep" isə səfərdə "Başakşehir"lə üz-üzə gələcək.
