Sport24.az
FİFA prezidenti Canni İnfantino Asiya futbolunun inkişafı ilə bağlı fikirlərini bölüşüb. Sport24.az xəbər verir ki, funksioner bu barədə alif utbol qurumunun rəmi saytına açıqlama verib:
"Biz illər ərzində Asiya futbolunun – və bununla da qlobal futbolun – necə dəyişdiyinin şahidi olduq. O, həqiqətən qlobal xarakter aldı. Futbol artıq hər kəs üçün əlçatandır və buna güclü, həmrəy və fədakar bir Asiya olmadan nail olmaq mümkün olmazdı. Buna görə sizə səmimi qəlbdən minnətdaram".
Dünən Tokioda Asiya Futbol Konfederasiyasının (AFK) növbədənkənar konqresi keçirilib və tədbir çərçivəsində təşkilatın nizamnaməsinə dəyişikliklər təsdiqlənib.
Bu dəyişikliklərə əsasən, 2032-ci ildən etibarən AFK Asiya Kuboku tək illərdə deyil, cüt illərdə keçiriləcək. AFK-da əsas rəhbər vəzifələrə seçkilər 2027-ci ildə baş tutacaq. Lakin yeni seçilmiş rəsmilər öz səlahiyyətlərinin icrasına 2028-ci il yanvarın 1-dən başlayacaq və 2032-ci ilə qədər fəaliyyət göstərəcəklər. Hazırkı rəhbərlik isə 2027-ci ilin sonuna qədər öz vəzifələrində qalacaq.
Bundan əlavə, AFK prezidenti Şeyx Salman, FİFA prezidenti vəzifəsinə yenidən namizədliyini irəli sürməyi planlaşdıran İnfantinoya dəstəyini bir daha ifadə edib.
