Idman.biz
FIFA-nın sabiq baş katibi Jerom Valke korrupsiya işi üzrə təqsirli bilinib.
İdman.Biz xəbər verir ki, bu barədə jurnalist Ben Jakobs "X" sosial şəbəkəsində məlumat paylaşıb.
Mənbənin bildirdiyinə görə, İsveçrənin Ali Məhkəməsi Jerom Valkenin yunanıstanlı iş adamı Dinos Deris ilə birlikdə dünya çempionatlarının televiziya yayımı ilə bağlı müqavilələr zamanı qanunu pozduğu qənaətinə gəlib.
Araşdırma zamanı məlum olub ki, korrupsiya xarakterli üç ödənişi gizlətmək məqsədilə Valke həmin məbləğləri ona məxsus şirkətin 2013 və 2014-cü illərə aid maliyyə hesabatlarında uzunmüddətli kreditlər kimi göstərib.
Qeyd edək ki, Jerom Valke 2007–2015-ci illərdə FIFA-nın baş katibi vəzifəsini icra edib və həmin dövr FIFA tarixində ən qalmaqallı illərdən biri kimi xatırlanır.
