Idman.biz
İngiltərənin "Çelsi" komandasının baş məşqçisi Enzo Mareska komandanın son vəziyyəti ilə bağlı mediaya açıqlama verib.
İdman.Biz xəbər verir ki, baş məşqçisi şənbə günü "Stamford Bridge"də keçiriləcək "Aston Villa" matçında Estevao Uillian və Liam Delapın xidmətindən istifadə edə biləcəyini təsdiqləyib.
Mareska deyib ki, hər iki oyunçu bu həftə məşqlərdə iştirak edib və komanda üçün seçimə hazırdır.
Onlar əvvəlki Premyer Liqa görüşündə, "Nyukasl"la oyunda iştirak etməmişdilər.
Mareska həmçinin bildirib ki, Kol Palmer uzunmüddətli zədədən sonra "Everton" və sonra "Nyukasl"a qarşı görüşlərdə oynadıqdan sonra 90 dəqiqəlik matça hazırdır.
Baş məşqçi qarşılaşmanın asan olmayacağını deyərək, "Aston Villa"nın yaxşı formaya və öz üslubuna sahib komanda adlandırıb.
