Idman.biz
"Real Madrid"in hücumçusu Endrik Fransa Liqa 1-dən olan "Lion"a keçir.
İdman.Biz xəbər verir ki, jurnalist Fabrizio Romano X-dakı sosial media hesabında qarşıdakı transferi açıqlayıb.
Mənbənin məlumatına görə, braziliyalı oyunçu yeni komandasına icarə müqaviləsi ilə qoşulacaq və heç bir transfer seçimi olmayacaq.
Fransa klubunun Endrikə maaşının 50%-ni ödəyəcəyi bildirilir.
Endrik "Real Madrid"ə 2024-cü ilin yayında "Palmeyras"dan keçib. Müqavilənin dəyəri 47 milyon avrodur. 19 yaşlı hücumçu bu mövsüm "Real Madrid"də 99 dəqiqə oynayıb və cəmi üç oyunda - La Liqa, Kral Kuboku və UEFA Çempionlar Liqasında - meydana çıxıb. Onun müqaviləsi 2030-cu ilə qədərdir.
