Idman.biz
"Real Madrid"in "Lion"a icarəyə verilən braziliyalı hücumçusu Endrik Fransa klubunda 9 nömrəli formanı geyinəcək.
İdman.Biz xəbər verir ki, bu barədə "Lion"un sosial media hesablarında məlumat verilib.
KİV əvvəllər 19 yaşlı hücumçunun icarə müqaviləsində "Lion"un transfer hüququ olmadığını bildirmişdilər. "Şirlər" onun maaşının bir hissəsini ödəməyə razılaşıblar. Memfis Depay, Lisandro Lopes, Mussa Dembele və başqaları müxtəlif vaxtlarda "Lion"da 9 nömrəli formanı geyiniblər.
Bu mövsüm braziliyalı bütün yarışlarda üç oyun keçirib və 99 dəqiqə meydanda olub. Onun Madrid klubu ilə hazırkı müqaviləsi 2030-cu ilin yayına qədərdir. "Transfermarkt" portalında verilən məlumata görə, futbolçunun bazar dəyəri 25 milyon avrodur.
