İdman.biz
"Düşünürdük ki, fərqli olacaq. 1/8 final mərhələsi bir oyundan ibarətdir. Az oynayan futbolçulara şans vermək istəyirdik. Komandanın yanaşması məni sevindirir. Yolumuza davam edirik".
İdman.biz xəbər verir ki, bunu "Araz-Naxçıvan" baş məşqçisi Elmar Baxşıyev Azərbaycan Kubokunun 1/8 final mərhələsində "Mingəçevir"lə oyundan sonra deyib.
Təcrübəli mütəxəssis 3:1 hesabı ilə yekunlaşan oyunda şans qazanan futbolçuların çıxışını dəyərləndirib: "Oynamayan futbolçular da oyun yükünü almalıdır. Plan üzrə nə var idisə, onu da icra edirdilər. Mesaj bir oyunla verilmir. Bu, uzunmüddətli prosesdir. Mustafa Əhmədzadəni nümunə kimi göstərə bilərik. Mənim xahişim budur ki, gənc oyunçuları çox reklam etməyək, onları rahat buraxaq. İnkişafın ilkin mərhələsindədirlər, onları yoldan çıxarmaq asandır. Potensiallı futbolçularımız var. Yaxşı səviyyəyə çatmaq üçün daha artığını etməlidirlər. İndiki durumda hələ ki transfer haqda fikirləşmirik. Əlbəttə ki, hər iki turnirdə mübarizə aparmaq üçün maksimum çalışmaq lazımdır".
İdman.biz
