Idman.biz
AFK Çempionlar Liqası 2 mövsümünün D qrupunun 6-cı tur matçı Səudiyyə Ərəbistanının "Əl-Nəsr" və İraqın "Əl-Zəvra" komandaları arasında baş tutub.
İdman.Biz xəbər verir ki, oyun "Kingdom Arena"da (Ər-Riyad, Səudiyyə Ərəbistanı) keçirilib. Matçın baş hakimi çinli Fu Minq olub. Ev sahibi olan "Əl-Nəsr"komandası 5:1 hesabı ilə qalib gəlib.
Matçın ilk qolunu cinah hücumçu Kinqsli Koman 13-cü dəqiqədə vurub. Ev sahibi komandanın yarımmüdafiəçisi Uesli 19-cu dəqiqədə komandasının üstünlüyünü artırıb. "Əl-Nəsr"in müdafiəçisi Abdullah Əl-Amri 29-cu dəqiqədə sarsıdıcı qolu vurub. Onun ardınca hücumçu Joao Feliks 44-cü dəqiqədə komandanın növbəti qolunu rəqibin qapısından keçirib. Görüşün ikinci hissəsində "Əl-Zəvra" İbrahim sayəsində oyundakı yeganə qola imza atıb. Koman 56-cı dəqiqədə ikinci qolunu vuraraq hesabı 5:1-ə çatdırıb.
Qeyd etmək lazımdır ki, portuqaliyalı hücumçu Kriştianu Ronaldu oyuna start heyətində başlayıb və Joao Feliksin qoluna assist edib. O, fasilədən sonra əvəzlənib.
Kriştianu Ronaldunun komandası qrup mərhələsində 18 xal qazanıb və AFK Çempionlar Liqası 2-nin D qrupunda birinci yeri tutub. "Əl-Zəvra" doqquz xal qazanaraq ikinci yeri qazanıb.
