Idman.biz
İngiltərə milisinin sabiq futbolçusu Devid Bekhemin ailə üzvləri arasında münasibətlər isti deyil.
İdman.Biz xəbər verir ki, keçmiş ulduz futbolçunun böyük oğlu Bruklin Bekhem ailə üzvlərini "Instagram" sosial şəbəkəsində bloklayıb.
Buna səbəb jurnalistlərin onun Milad bayramını həyat yoldaşı Nikola Peltsin ailəsi ilə keçirəcəyini yazması olub.
Məlumata görə, bu addım Bekhem ailəsi daxilində mövcud olan gərginliyi daha da artırıb.
26 yaşlı Bruklinin valideynləri ilə münasibətləri uzun müddətdir ki, problemli olaraq qalır. Bu gərginliyin əsas səbəbi onun 30 yaşlı həyat yoldaşı Nikola Peltslə bağlı mövqeyidir. Bruklin daha əvvəl sosial şəbəkədə Nikola ilə motosiklet üzərində çəkilmiş videosunu paylaşaraq "Mən hər zaman səni seçirəm" sözlərini yazmışdı. Bu paylaşım ailə daxilindəki fikir ayrılıqlarının açıq mesajı kimi qiymətləndirilmişdi.
