Sport24.az
"Beşiktaş"ın futbolçusu Jedson Fernandeş karyerasını Rusiya Premyer Liqasında davam etdirəcək. Sport24.az xəbər verir ki, "Spartak" portuqaliyalı yarımmüdafiəçini transfer edib.
Bu barədə klubun mətbuat xidməti məlumat yayıb.
Moskva təmsilçisi Jedson üçün Türkiyə klubuna 20+7 milyon avro təzminat ödəyəcək. 26 yaşlı oyunçu "Spartak"la 2029-cu ilin yayına kimi nəzərdə tutulan müqavilə imzalayıb.
Qeyd edək ki, "Beşiktaş" Jedson Fernandeşi 2022-ci ilin yayında "Benfika"dan transfer etmişdi.
