Idman.biz
İspaniya La Liqasının 17-ci turu çərçivəsində "Vilyarreal" doğma meydanda "Barselona"nı qəbul edib. Qarşılaşma qonaqların 2:0 hesablı qələbəsi ilə yekunlaşıb.
İdman.Biz xəbər verir ki, hesab 12-ci dəqiqədə açılıb.
"Barselona"nın hücumçusu Rafinya penaltini dəqiq yerinə yetirərək komandasını önə çıxarıb. 39-cu dəqiqədə "Vilyarreal"ın müdafiəçisi Renato Veiqa birbaşa qırmızı vərəqə alaraq meydandan qovulub. Say üstünlüyündən yararlanan kataloniyalılar 64-cü dəqiqədə Lamin Yamalın qolu ilə fərqi iki topa çatdırıb və oyunda yekun nəticəni müəyyənləşdirib.
Bu qələbədən sonra 18 oyunda 46 xal toplayan "Barselona" turnir cədvəlinə başçılıq edir. 16 oyunda 35 xalı olan "Vilyarreal" isə dördüncü pillədə qərarlaşıb.
